«Вафат булган туганыбызның банкта акчасы калды. Акчаны ничек алырга?»

– Якын туганыбыз вафат булды. Аның банктагы счетында акча калды. Аны ничек итеп һәм кайчан алып була?

– 438нче федераль законга (18.11.2022 елгы) кайбер үзгәрешләр кертелде. Аерым алганда хәзер ФНС банкларга 2 көн эчендә гражданнарның үлеме турында мәгълүмат бирәчәк.

Банклар, мондый мәгълүматка ия булып, үлгән кешенең барлык операцияләрен тиешле счетлар буенча туктатачак. Тик бу акчалар белән вафат/һәлак булучының якыннары/мирасчылары 6 айдан соң гына идарә итә алачак.
Гамәлдәге законнарга кертелгән үзгәрешләр банкларның үлгән клиентлары акчасына законсыз гамәлләр кылу куркынычын киметүгә юнәлдерелгән. Әлеге үзгәрешләр 2023 елның 18 маенда үз көченә керде.