Зифа Кадыйрованың кайсы китаплары иң күп укылган?

Чаллыда яшәп иҗат итүче популяр язучы Зифа Кадыйрова тормышында сөенечле вакыйга булды.

Аның  «Көтеп узган гомер» китабының русчасы «Жизнь, прожитая в ожидании» Милли китапханәдә иң күп укылган Россия авторлары исемлегенә кертелгән. Бу исемлектә Михаил Булгаков, Михаил Шолохов, Михаил Зощенко кебек классиклар белән бергә, Евгений Водолазкин, Ринат Валиуллин кебек бүгенге язучылар да бар.

Ә «Урланган яшьлек» – «Иң күп укылган татар китаплары» исемлегенә кергән. Зифа Кадыйрованың Габдулла Тукай, Мөхәммәт Мәһдиев, Әмирхан Еники, Габделҗәббар Кандалый кебек классиклар белән бер исемлектә булуы – зур дәрәҗә.