Бакчаларда чияләр өлгерә

Фәгыйлә Галимова, һәвәскәр бакчачы: Чиядән как ясыйм. Мондый какны киптерелгән кайнатма дияргә була. Аны ясавы бик җиңел. Чия кагына пешеп җитмәгән җимешләр дә, артык өлгергәннәре дә ярый. Шикәрне дә тәменчә салам, бөтенләй салмасаң да тәмле – әче как була. Яраткан кешегә менә дигән. Теләге булганнар корица, мята (бөтнек), ванилин сала ала. Эш тәртибе болайрак: чиянең төшен алып, калын төпле кәстрүлгә сүрән утка куябыз. Согы чыккач, кирәк кадәрле шикәр салып, 15 минут кайнатабыз. Аннары блендер белән изәбез. Суынгач, пергамент кәгазенә җәеп, җиләс урында яки махсус киптергеч ярдәмендә киптерәбез. Кипкәч, төреп, кышка сакларга куям. Тукыма капчыкта ул тагын да яхшы саклана.

Фото: aqua-mechanica.ru