Шәһри Чаллы

Яр Чаллы шәһәре

18+
2024 - Гаилә елы
Киңәш-табыш

Тоз дымланса, чәйнеккә юшкын утырса...

- Алюминий кәстрүлнең төсе тоныкланса, анда алма кабыгы кайнатып алырга киңәш ителә.

- Әгәр тоз дымланып китсә, аңа бераз дөге салып куегыз.

- Сөт тиз ачымасын өчен аңа берәр чеметем тоз салып куярга киңәш ителә.

- Әгәр сезгә йомырканың агы гына кирәк икән, аның кабыгын ике яктан да юан энә белән тишегез. Йомырка агы агып чыгар, ә кабык эчендә калган сарысы озак вакыт суыткычта саклана ала.

- Кайбер рецептларда еш кына уылган бәрәңге кулланыла. Мәсәлән, коймак әзерләгәндә. Ул каралмасын өчен, бәрәңгегә бераз кайнар сөт өстәргә кирәк.

- Ботка тизрәк пешсен өчен, аны акрын гына болгатырга кирәк. Тизрәк болгаткан саен, ул озаграк пешәчәк.

- Фасольны йомшак булганчы пешерергә кирәк. Каты фасольдә организм өчен зыянлы матдәләр бар.

- Суган чистарткач, кулдагы исне су һәм аш серкәсеннән ясалган катнашма юып бетереп була.

- Пешкәндә йомырка ватылмасын һәм агы агып чыкмасын өчен, суга 1-2 аш кашыгы аш серкәсе салырга кирәк.

- Аш бүлмәсендәге сасы истән әфлисун яки лимон кабыкларын яндырып котылырга мөмкин. Ә суыткычтагы исне бетерергә активлаштырылган күмер яки кулланылган чәй пакетлары ярдәм итәр.

- Ипи савытын 9%лы аш серкәсе белән сөртеп алу, андагы исне дә, күгәрекне дә бетерер.

- Чәйнектәге юшкыннан котылу өчен, бәрәңге кабыгы салып кайнатыгыз.

- Йоклар алдыннан, аякларыгызны салкын су белән юыгыз. Болай эшләү тизрәк йоклап китәргә һәм чыныгырга ярдәм итәчәк. Кан тамырлары һәм капиллярларга да файдасы тиячәк.

- Әгәр киемнәрегезне көя күбәләгеннән саклыйсыгыз килә икән, шкафка яран гөл яфраклары куегыз. Әфлисун кабыклары бу бөҗәкләрдән сакламый.

- Алтын бизәнү әйберләрен 5 минутка баллы суга салып торсагыз, алар тагын да ялтырабрак китәр.

- Суган әрчегәндә елыйсыгыз килмәсә, пычак очына икмәк йомшагы куярга киңәш итәбез.

- Пешкән яшелчәләрне суда озак тотарга ярамый, алар тәмсезләнәләр. Шуңа күрә пешеп җитү белән яшелчәне дуршлагка салып саркытырга кирәк. Бары тик чәчәкле кәбестәне генә суында бераз тотарга ярый.

- Ысланган казылыкның кабыгы начар чистартылса, аны 2-3 минут кайнар суда тотарга кирәк.

- Чүпрәгә изгән әче камырны суыткычта берничә тәүлек сакларга мөмкин, тик камыр өстенә аз гына он сибеп куярга кирәк

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: файдалы киңәш рецепт

2
X