Гөлназ Шәрипҗанова пластик операция ясаткан

Җырчы Гөлназ Шәрипҗанова блефаропластика, ягъни күз кабагының формасын үзгәрткән.

"11 март операция көне булды. Клиникада кабаттан анализлар тапшырдым, кан басымын үлчәделәр. Үземнең күз кабакларым турында сөйләгән идем инде, блефаропластика ясаттым. Операция уңышлы гына булды. 40-45 минутлап ясадылар. Мондый операциянең бәясе 45 мең (өстәге күз кабыгы өчен генә). Анестезияне күзләремә генә ясадылар, мин сөйләшеп яттым. Бер мәлгә ничек кискәннәрен, тегеп куйганнарын да сизгәндәй булдым", - ди Гөлназ Шәрипҗанова.

Фото Гөлназ Шәрипҗанованың социаль челтәрләрдәге аккаунтыннан алынды