Илнат Фәрхуллин: «Авыр вакытымда дуслар качышып бетте»

Танылган эстарада йолдызы, бик күп җырлар авторы Илнат Фәрхуллин "Шәһри Чаллы" газетасына интервью бирде. Анда җырчы бүгенге эшчәнлеге хакында сөйләде, киләчәккә планнары белән уртаклашты, танылган "Казан егетләре" төркеменнән китү сәбәпләрен дә атап үтте.

"Төркемдә эшләгән соңгы өч ел җиңел булмады. Бу сәхнә эшчәнлегендә генә түгел... Җитмәсә, бу вакытлар пандемия вакытына туры килде: өйдән чыгарга ярамый, концертлар куеп булмый... Миңа барысын да яңадан башларга туры килде. Янымда булган дуслар да качышып беттеләр... Проблемалар башлангач, бер кеше дә калмады! Хәзер алар минем белән «дуслыкны» яңартмакчы булалар! Әмма андыйларны яныма китермим дә!", - дип хис-кичерешләре белән уртаклашты Илнат. 

Җырчы белән тулы интервью "Шәһри Чаллы" газетасының  9 декабрь санында урын алды.