Популяр җырчы Лэйнаның яңа клибы чыкты

Яшьләр арасында популярлык казанган җырчы Лэйнаның «Колхозчы түгел» дип исемләнгән яңа видеоклибы чыкты.  Роликның сюжеты болайрак: кыз авыл урамыннан влеосипедта бара, бер мизгелдә Иннополистагы телепортка юлыга. Аннары замана әбиләре, оча торган КАМАЗлар, робот-көтүчеләр һәм башкалар килеп чыга. Җырчы клибын Яшел Үзән районы Ачасыр авылында һәм Иннополис шәһәрендә төшергән. Ахырда ул 9 октябрьдә Чаллыда һәм 23 сентябрьдә Казанда узачак концертлары турында искә төшерә. Аның концертлары да «Колхозчы  түгел» дип атала. Анда махсус кунак булып Татарстанның халык артисты Айдар Галимов һәм автор-башкаручы Гүзәлия чыгыш ясый. Концерт бик шәп булачак диләр оештыручылар. 
Фото шәхси архивтан алынды