Шәһәрдә көзге ярминкәләр башланды: кайда уза? Бәяләр нинди?

12 сентябрьдән шәһәрдә традицион көзге ярминкәләр эшли башлады. Алар һәр шимбә көнне иртәнге 8:00дән кичке 15:00гә кадәр узачак һәм 27 декабрьгә кадәр дәвам итәчәк.

📍 Төп мәйданчыкларны искә төшерәбез:

• «Строитель» стадионы каршында.

• Шәһәр Ипподромы.

• «Южный» агросәнәгать паркы.

Ярминкәләргә 7 муниципаль район һәм «Татпотребсоюз» предприятиеләре беркетелгән. Ветеринария куркынычсызлыгы тәэмин ителгән – мәйданчыклар санитар эшкәртү үткән.

Кулланучылар базары бүлеге район администрацияләре белән берлектә социаль әһәмияткә ия товарлар бәяләрен даими күзәтеп бара.

Татарстан Республикасы Авыл хуҗалыгы һәм азык-төлек министрлыгы ярминкәләрдә сатыла торган авыл хуҗалыгы продукциясенә тәкъдим ителгән бәяләрне раслады.

• Бәрәңге: 37–46 сум.

• Суган: 30–40 сум.

• Кишер: 37–40 сум.

• Чөгендер: 25–35 сум.

• Кәбестә: 29–40 сум.

Шәһәр мэры Наил Мәһдиев әлеге социаль  проектта катнашкан авыл хуҗалыгы хезмәтчәннәренә рәхмәт әйтте:

“Бу проект безнең шәһәр өчен бик мөһим. Алар әлеге продукцияне үстерә, аннары иртәнге 7 гә ярминкәгә алып килеп төзеп тә куя. Экологик чиста продукция. Бар яктан да контроль тәэмин ителә, бәяләр билгеләнгәннән артмый. Сатучылар өчен дә, сатып алучылар өчен дә яхшы шартлар тудырылган”

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).