Көн темасы рубрикасы буенча яңалыклар
-
Чаллыдагы күпер ябылып торачак
ГЭС бистәсе һәм Мәләкәс аръягын тоташтыручы юл һәм күпер төзекләндерелә. Әлеге эшләрне «РБР 16» генераль директоры, Шәһәр Советы депутаты Таһир Сөнгатуллин җитәкли. Урында эш барышы белән шәһәр мэры Наил Мәһдиев тә танышты.
-
Вандаллар тик тормый (+фотолар)
Наил Мәһдиев шәһәр мэры булып эшли башлагач, Чаллыда парклар, скверлар, ишегаллары тәртипкә китерелде. Җир асты кичүләре матур итеп бизәлде. Тик безнең халык җитәкчеләрне: «Эшләмиләр», – дип сүгүдән узмый, алай гына да түгел, вандаллар ясаган урыннарны җимерә, буяганны, чистартканны пычрата, боза. Шулар аркасында мэр Наил Мәһдиевне ТР Президенты Рөстәм Миңнеханов тәнкыйтьләде.
-
Тагын кемнәрне югалтырбыз...
Республикада коронавирус инфекциясе белән бәйле вәзгыять бик катлаулы, шул сәбәпле 22 ноябрьдән Татарстанда яңа чикләүләр кертелә, аларның күбесе җәмәгать транспортына кагылачак.
-
Рөстәм Миңнеханов чаллылыларга машина ачкычлары тапшырды
ТР Муниципаль берәмлекләре арасында республика смотр-конкурсы нәтиҗәләре буенча Чаллының өч учреждениесе яңа автомобильләр алды.
-
Авыл хуҗалыгы ярминкәләрен Илдар Ногманов тикшерде
6 ноябрь көнне көзге авыл хуҗалыгы ярминкәләре өч даими эшли торган мәйданчыкта - Габдулла Тукай яр буе мәйданында ("Төзүче" стадионы каршындагы мәйданчыкта), Ипподром территориясендә һәм "Южный" агросәнәгать паркы территориясендә узды.
-
«Гармоника-квартет» гармунчылар ансамбле «Халык сәнгате йолдызлары. Балалар» Бөтенроссия фестиваленең гала-концертында чыгыш ясады
Илнең төрле почмакларыннан яшь башкаручылар Россия төбәкләренең милли мәдәниятләре һәм халык иҗаты жанрларының күптөрлелеген тәкъдим иттеләр: монда традицион биюләр һәм көйләр, уен коралларында уйнаулар, горловой җырлауның уникаль үрнәкләре чагылыш тапты.
-
Кышкы көпчәккә кайчан күчәргә?
Сезон алмашынган чор машина йөртүчеләр өчен иң куркыныч вакыт булып исәпләнә. Шуңа да белгечләр, һава торышына карамастан, җәйге тәгәрмәчләрне кышкысына 15 ноябрьгә кадәр алмаштырсаң яхшы, ди. Әгәр дә төнге һәм көндезге температура уртача +7дән артмый икән, бу эшне кичектермәскә кирәк. Мондый температурада резина катылана һәм үзлеген югалта. Шоферлар исә кышкы резина кую вакытын үзләре сайлый.
-
Җир астыннан юллар бар
Мәскәү метросы белән данлыклы булса, Чаллы – җир асты кичүләренең күплеге ягыннан үзенчәлекле шәһәр. Тынычлык проспектында алар аеруча күп. 1990 елларда ул җир асты кичүләре «кайнап» тора иде. Аларда ниләр генә сатылмады. Әйтик, «Райисполком» һәм «Курчак театры» тукталышларында әле һаман да нигездә чәчәкләр саталар. «Глобус» тукталышында кибетләрдә булмаган канцелярия товарлары, «Океан» һәм «6нчы бистә» тукталышларында җылы носки, бияләйләр сатылды. Кайберләрендә ачкыч ясыйлар, икенчеләрендә аяк киемнәре төзәтәләр. Алар йортсыз-җирсез калган кешеләрнең торак вазыйфасын да башкарды.
-
Иммунитет: нәрсә ул, ничек ныгытырга һәм нинди кәңәшләр бар?
Урамда көзге суыклар башланды, арабызда төчкереп, «мышык-мышык» килеп утыручылар байтак. Салкын тидереп, бер дә урын өстендә авырып ятасы килми шул. Табиблар иммунитетны ныгытырга кушалар, бигрәк тә бүгенге көндә, коронавирус инфекциясе нык таралган вакытта.
-
Ноябрь ялларында күпфункцияле үзәкләр ничек эшли?
Яңа коронавирус инфекциясе таралуны туктату максатыннан, 11 октябрьдән Татарстанда яңа чикләүләр кертелүе турында газетабызда язган идек инде. Шуннан соң, шәһәрнең күпфункцияле үзәкләренә халык ташкын кебек агыла башлады, 3 филиалда да чиратлар хасил булды.
-
Автобус йөртүчеләр – алтын бәясе
Октябрьнең соңгы якшәмбесендә автомобильчеләр көне билгеләп үтелә. Бүгенге тормышны автомобильләрсез күз алдына китереп булмый. Машина йөртүне гомерлек һөнәре итеп сайлаганнар өчен ул, гомумән, яшәү рәвеше.
-
Кызганычка каршы мондый фаҗигаләр Чаллыда еш кабатлана
Шәһәребезнең 48/20 йортында фаҗига булды. Россия Гадәттән тыш хәлләр министрлыгының Татарстан буенча Баш идарәсе матбугат хезмәте мәгълүматлары буенча торак йортның дүртенче катындагы фатирда газ шартлады. Фаҗига урынына тиз арада янгын сүндерүчеләр, ашыгыч ярдәм хезмәте килеп җитте. Янгын сүндерү-коткару бүлекчәләре кешеләргә җимерелгән фатирлардан чыгарга ярдәм иттеләр. Якындагы подъездлардагы кешеләргә өйләрендә калмаска киңәш иттеләр.
-
Чаллыда торак йортта көчле шартлау булды
Урында МЧС, эзләү-коткару, ашыгыч ярдәм хезмәтләре эшли.
-
Сатучыга – арзан, алучыга кыйммәт
Чаллыда шимбә көнне уза торган ярминкәләргә авыл хуҗалыгы уңганнары атна башында ук әзерләнә башлыйлар. Ипподромга машиналар җомга көнне кичтән үк килә. Кышка запас әзерләп калырга тырышкан шәһәр халкы да бу көнне йоклап ятмый. «Мин ярминкәгә иртәнге 7дә киләм, кеше аз, ризыкны сайлап алу мөмкинлеге зур. Быел җәй коры булганга суган уңмады. Килограммын 16 сумннан 8 килограмм суган алдым. Күп алырга куркыта, черергә мөмкин. Бакчага бару-кайту, ут-су бәяләрен санасаң, мондагы яшелчә бәяләре бер дә кыйммәт түгел», – ди ТЭЦ хезмәткәре Гүзәлия Фатыйхова.
-
Грантлар исәбенә төзекләндердек
Шәһәр территориясен төзекләндерүгә территориаль-иҗтимагый үзидарә җитәкчеләре зур өлеш кертә. Алар республика һәм шәһәркүләм конкурсларда катнашып грантлар яклыйлар. Конкурслар кысаларында республика бюджетыннан 9 млн 542 мең, шәһәрдән 5 млн 450 мең сумлык грантлар отканнар. Автозавод районында грантлар хисабына башкарылган кайбер төзекләндерү эшләре турында ТОС җитәкчеләре сөйләде.