Рәмзия Әхмәдуллинадан җиләк үстерү серләре

Җиләкләр чәчәккә бөреләнгәнче су сибү кирәк. Җиләкләр баллы, эре, сусыл булсын өчен эремә ясап сибәбез. Моның өчен 5 грамм бор кислотасын 1 л кайнаррак суда эретеп, 10 л булганчы итеп суга кушасы. Менә шушы катнашманы сиптергеч белән чыланырлык итеп җиләкләргә сиптереп чыгабыз. Әгәр инде җиләкләр чәчәккә бөреләнсә, 10 л суга 2-3 грамм бор кислотасы, 1 грамм марганцовка кушып, төпләренә 1 литр итеп сибеп чыгабыз.