Төзү материалларын кыштан ук алып килделәр
«Юбилейный» бакчачылык ширкәте шәһәр үзәгендә – Орловка белән ЗЯБ бистәсе арасында урнашкан. Биредә 527 участок бар. Кышын 32 кеше даими яши. Ширкәт рәисе Гөлшат Сәлимова әйтүенчә, аларда ташландык бакчалар юк.
– Мин монда 10 ел эшлим. Бу вакыт эчендә хуҗаларның барысына да участокларны приватизацияләргә булыштым. Кайбер бакча хуҗалары карт әби-бабайлар. Алар авырып китсә, бакчаларын балалары карый, – ди Гөлшат Маннуровна.
«Юбилейный»да ел саен унар бакча сатыла. Быел исә сатучылар бик «җанланды», ди ширкәт рәисе.
– Соңгы бер атна эчендә генә 7-8 кеше килеп, бакчалар карап китте, икесен сатып та җибәрдек. Берсен 350 мең сумга, икенчесен – 550 меңгә. Яшьләр бик күп килә. Аларның фатир алырга акчалары юк, җир алып, үзләре төзиләр. Кайберәүләр кыштан ук блоклар, төзү материалларын алып килә башлады, – ди Гөлшат Маннуровна.
Кайбер предприятиеләр тулы куәтенә эшләми башлады, эш атнасы кыскартылды. Шуңа күрә күп кенә шәһәрдәшләр дачалар төзү һәм ремонтлау белән шөгыльләнәчәк дип саный ул.
Следите за самым важным и интересным в Telegram-каналеТатмедиа
Нет комментариев