Вакцина ясату дәвам итә

Сәламәтлек саклау идарәсе башлыгы Александр Николаев пандемия башланганнан бирле Чаллыда 26615 кешегә ковид диагнозы куелуын әйтте. Бүгенге көндә авыручылар күп түгел. Аларны йогышлы авырулар хастаханәсендә, 2нче шәһәр хастаханәсендә һәм ашыгыч медицина ярдәме күрсәтү хастаханәсендә дәвалыйлар. Шәһәрдә медикаментлар, шәхси саклык чаралары җитәрлек. «Грипп, ковид кебек йогышлы авыруларга каршы торуның иң нәтиҗәле чарасы – вакцина ясату. Бүгенге көндә шифаханәләрдә, «Омега» сәүдә үзәгендә вакцина ясатырга мөмкин. Күчмә бригадалар вакцинаны предприятие һәм оешмаларга барып та ясый», – диде җитәкче. 

Тагы да кызыклырак яңалыклар - "Шәһри Чаллы" газетасының Телеграмм каналында