"Агросила" - Татарстанның агросәнәгать комплексының мөһим элементы

"Агросила" АҖ  Авыл хуҗалыгы һәм эшкәртү сәнәгате хезмәткәрләре көнен билгеләп үттеләр.
Бәйрәм Яр Чаллы шәһәренең «Энергетик» мәдәният сараенда узды.
«Агросила» АҖ хезмәткәрләрен Татарстан Республикасы Авыл хуҗалыгы һәм азык-төлек министры Марат Җәббаров, «Агросила» холдингы Директорлар советы рәисе Илшат Фәрдиев, «Агросила» АҖ генераль директоры Светлана Барсукова һәм Тукай муниципаль районы башлыгы Фаил Камаев котладылар. 

Авыл хуҗалыгы министры Марат Җәббаров үз чыгышында Татарстанда авыл хуҗалыгы үсешенә Идел буенда алдынгы авыл хуҗалыгы җитештерүчесе һәм Россиянең иң эре агрохолдингларының берсе – Агросила зур өлеш кертә, дип билгеләп үтте.

«АГРОСИЛА» холдингы составына керүче предприятиеләр Татарстан һәм Россия агросәнәгать комплексының мөһим элементлары булып торалар.

"Чаллы-Бройлер" кошчылык комплексы кош ите җитештерү буенча федераль лидерлар рәтенә керә, "Зәй шикәре" заводы-ь - Россиядә шикәр комы җитештерүче әйдәп баручы предприятиеләрнең берсе. Холдингның орлык заводы Россиядә иң эреләрдән санала. Заводның орлык фонды бүгенге көндә Россиядә аналоглар юк. 

Катнаш азык(комбикорм) заводы Татарстан Республикасын һәм Идел буеның башка төбәкләрен катнаш азык белән тәэмин итә.
Әмма иң мөһиме, теләсә кайсы предприятиедәге кебек үк, әлбәттә, аның хезмәтләре белән предприятие һәм тармак үсешенә өлеш кертүче кешеләр. "Агросила"ның җитәкче составы һәм белгечләренең җаваплылыгы, инициативалылыгы, яңа, кыю карарлар кертергә һәм катлаулы мәсьәләләрне хәл итәргә әзерлеге белән аерылып тора. 
"- Чын күңелдән сезгә алга таба уңышлар һәм яңа казанышлар, ирешелгәннәрдә генә тукталып калмауларын һәм авыл хуҗалыгы җитештерүенең нәтиҗәлелеген арттыру, санлы технологияләр кертү, экспортны арттыру, федераль һәм дөнья базарларында позицияләрне көчәйтү буенча эшне дәвам итүләрен телим",-дип әйтте Марат Җаббаров. 

"Агросила" - чын профессионалларның бердәм командасы, анда һәр белгечнең өлеше бәяләнә, перспективалы инициативаларга ярдәм ителә һәм алдынгы технологияләр кертелә.

Чара барышында «Агросила»АҖнең алдынгы хезмәткәрләре бүләкләнде.