Чаллыда «КамАЗ» эшчеләре өчен йорт төзелә

Быел Чаллыда арендага бирелә торган беренче йорт файдалануга тапшырылачак. Биредә барлыгы 170 гаилә фатир алачак.

Бу хакта Шәһәр Советының чираттагы сессиясендә мэр Наил Мәһдиев хәбәр итте. 

Исегезгә төшерәбез, ТРның куркынычсызлык советы утырышында, «КамАЗ» ГАҖ кебек предприятиеләргә кадрлар җәлеп итү максатыннан, Чаллыда арендага бирелә торган 6 йорт төзеләчәге турында карар кабул ителгән иде. Аның беренчесе (69нчы мирорайонда) быел сафка басачак. Тагын 5 йортны 52нче бистәдә төзергә планлаштыралар.