Бүген Чаллыда сәламәтлек ягыннан мөмкинлекләре чикле кешеләр өчен Сабантуй уза

Бәйрәм кунакларына кул көрәше, гер күтәрү, шашка-шахмат, капчык киеп йөгерү, бүрәнәдә капчык белән сугышу, чүлмәк вату, аркан тарту, таяк тартышу һәм төп тамаша – милли көрәш тәкъдим ителәчәк.

Чарага Татарстан Республикасы Инвалидлар җәмгыяте рәисе Рифат Ганибаев килүе көтелә.

Бәйрәмнең тантаналы өлешендә «Идел-Урал» инвалид спортчыларның хәйрия фонды рәисе Рәкит Әбделманов активистларны һәм спортчыларны бүләкләячәк.

Шәһәрнең иң яхшы иҗат коллективлары һәм солистлары чыгышы планлаштырылган.

Милли көрәшнең абсолют батырын билгеләү – бәйрәмнең төп бизәге булачак.