Бу спортка караганда да күбрәк: Рөстәм Миңнеханов ТРда Махсус Олимпиада үткәрүне ассызлыклады

Татарстан Президенты Рөстәм Миңнеханов Instagramда Казанда махсус олимпиада үткәрүгә багышланган видеороликны бастырды. Видео аша Россиянең танылган спортчылары уеннарга үз карашларын белдерә. Республика җитәкчесе шулай ук үз фикерен белдерде.

«Казан Бөтендөнья кышкы Махсус Олимпиада уеннарын кабул итәчәк! Бу спортка караганда күбрәк!» - дип язды ул.

Мөмкинлекләре чикләнгән кешеләр өчен Бөтендөнья уеннары Казанда 2022 елның 22-28 гыйнварында узачак.

ТР Президенты матбугат хезмәте җитәкчесе Лилия Галимова хәбәр иткәнчә, Казан 3 меңгә якын делегат — спортчылар, партнерлар, тренерлар, спорт командалары әгъзаларын кабул итәргә ниятли. Чараны үткәрүгә 3 меңгә якын волонтер җәлеп итү планлаштырыла.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Рустам Минниханов (@rusminnikhanov)