Аның тәнендә кыйнау эзләре бар.
Чаллы фатирында 69 яшьлек хатын-кыз мәете табылды. Тикшерү барышында аның бер көн элек үлүе ачыкланды. Тәнендә күпсанлы җәрәхәтләр. Аеруча башына зыян салынган, кабыргалары сынган.
Шик астында – аның 70 яшьлек ире. Фаҗига көнне алар бергә исерткеч эчемлекләр кулланганнар. Араларында тавыш чыгып, ир-ат хатынын каты кыйнаган һәм соңыннан йокларга кереп яткан. Иртән торуына – тормыш иптәше үлгән.
Әлеге факт буенча җинаять эше кузгатылды. Ир-атка 15 елга кадәр ирегеннән мәхрүм ителү яный.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев