Чаллыда яңа фельдшерлык-акушерлык пункты ачыла

Чаллының 71нче микрорайонындагы «Залесный»  фельдшер-акушерлык пунктына яңа җиһазлар кайтарылды. Яңа медицина җиһазлары ярдәмендә авырулардан анализлар алырга  вакцина ясарга диспансерлаштыруның беренче этабын үткәрергә,  ЭКГ һәм башка дәвалау-тикшерү эшләре алып барырга була. 
Хәзерге вакытта ФАПны төзү-монтаж, бизү эшләре тәмамланган. Җиһазлар урнаштырылган. Пункт тирәсен төзекләндерү дәвам итә.  
Әлеге медицина учреждениесе «Сәламәтлек саклау» милли проекты кысаларында төзелде. Аның төзелешенә 8 млн сумнан артык акча тотылды. ФАП 7нче шифаханәнең бүлекчәсе буларак эшләп, 71нче һәм якын тирә микрорайннарда яшәүчеләргә хезмәт күрсәтәчәк. 

Фотолар шәһәр сайтыннан алынды