Чаллының 54 комплексына коткаручылар килгән

Чаллыда бер ир-ат 54 комплексның ишегалдында торган Фольксваген маркалы автойорттан шикләнеп коткаручыларны чакырта. Ул әлеге транспорт чарасының салонында газ баллонын күреп ала. 

“Микроавтобус тротуарга куелган. Инде 4 сәгатькә якын кушылган килеш тора. Йөртүчесе юк”, - дип шалтырата ул Бердәм коткару хезмәтенә. 

 

Нәтиҗәдә, урынга тиз арада янгын сүндерүчеләр, хокук сакчылары, табиблар, “Горгаз” хезмәткәрләре килә. Бәхеткә алар бернинди куркыныч чыганагы да тапмый. Транспорт чарасының 44 яшьлек хуҗасы да салонда була.