Чаллының беренче фотографы президентлар белән бер китапта

Танылган фотограф Рәфкать Билдановның исеме "Яңарыш" тарихи һәм мәдәни истәлекләрне торгызу республика фондының "Хәйриячеләр китабына" керде. 
Әлеге исемлектә РФ  Президенты Владимир Путин, РТ Рәисе Рөстәм Миңнеханов, РФ Хөкүмәте Рәисе урынбасары Марат Хөснуллин, Чаллы мэры Наил Мәһдиев кебек югары дәрәҗәдәге дәүләт эшлеклеләре бар. 

Рәфкать Билдановка һәм тагын 14 кешегә, Идел Буе Болгар дәүләтенең рәсми рәвештә Ислам динен кабул итүгә 1100 ел тулу уңаеннан уздырылган чараларны уздыруда ярдәм иткәне өчен, рәхмәт сүзләре белдерелгән.