Чаллы урамнарында Whoosh электр самокатларында йөрергә рөхсәт итәрләрме-юкмы?

27 апрель көнне Whoosh сервисы шәһәр хакимияте һәм сәүдә үзәкләре белән бернинди килешү төземичә, ягъни үз белдеге белән, шәһәр урамнарына 500 электр самокаты куйган иде. 3 май көнне, булган тәртип бозуларны исәпкә алып, шәһәр районнары администрацияләре хезмәткәрләре законсыз урнаштырылган әлеге транспорт чараларын «Тулпар-1» стоянкасына чыгарды.

Бүгенге көнгә Whoosh сервисы шәһәр Башкарма комитеты тарафыннан куелган барлык таләпләрне дә үтәде. Шул сәбәпле аларга 86 электр самокатын кире кайтардылар. 

“Якын арада без кабаттан Чаллыда электр самокатлар сервисын эшләтеп җибәрергә уйлыйбыз. Әлегә бу мәсьәләнең нечкәлекләрен өйрәнеп бетерәсе бар”, - ди компания хезмәткәрләре.