Чаллыда 105 меңнән артык кеше гриппка каршы вакцин ясаткан

Татарстанга өлкәннәр өчен гриппка каршы «Совигрипп» вакцинасының икенче партиясе килде. Республикага 337 490 доза килгән.

Дүшәмбедән башлап Татарстан халкы прививка сорап поликлиникага мөрәҗәгать итә ала.

Чаллы халкына гриппка каршы 105 меңнән артык прививка ясатканнар, шул рәвешле, вакцинаның беренче партиясе тулысынча эшләнгән, дип хәбәр итә «Челнинские известия».

Гриппка каршы вакцинаның соңгы өченче партиясе октябрь ахырына килеп җитәчәк.