Чаллыда яшәүчеләрнең балконына петарда очып кереп шартлаган

Бу хәл 31нче декабрь көнне 22 сәгатьләр тирәсендә хуҗалар табын янына Яңа ел каршыларга җыелганда булган. Шартлау нәтиҗәсендә балконның тәрәзә рамнары урам якка килеп төшә, пластиктан эшләнгән балкон ишеген фатир эченә каера, линолеум эри. Шаһитлар әйтүенчә, бер хатын-кыз зыян күргән - аның күзенә пыяла кыйпылчыгы кергән, кулы җәрәхәтләнгән. Урында коткаручылар, полиция хезмәткәрләре эшләгән, тикшерү эше бара.

Фото: Набережные Челны Life төркеменнән