Чаллылылар «Безнең ишегалды» республика программасы кураторлары белән очрашачак

Комсомол районында алар «Энергетик» мәдәният сараенда сәгать 10да булачак. Үзәк районында яшәүчеләр белән «Нур» яшьләр үзәгендә сәгать 12.30да очрашачаклар. Автозавод районында очрашу  77нче гимназиядә 15:00 сәгатьтә үтәчәк.

Быел йорт яны территорияләре төзекләндереләчәк шәһәрдәшләребез белгечләргә үзләренең сорауларын бирә ала. Моннан тыш алдагы елларда территорияләре яңартылган чаллылылар һәм «Безнең ишегалды» республика программасына кермәгән ишегалларында яшәүчеләр дә булган сораулары белән мөрәҗәгать итә ала. 2022 елда программа буенча төзекләндереләчәк йортлар монда.