Чаллылыларны илнең хәрби армия резервын тулыландырырга чакыралар

Программада катнашу, кандидатларны сайлап алу һәм акчалата түләүләр күләме турында Үзәк һәм Автозавод районнары хәрби комиссары Рәшит Ильясов сөйләде.
«Без план буенча узачак кешеләрне сайлыйбыз, ай саен 2-3 көн уку мөмкинлеге бар, алар РФ Оборона министрлыгы белән килешү төзиячәкләр. Бу аларга акчалата компенсацияләнәчәк. Солдатларга һәм сержантларга, дәресләрдә булуы-булмавына бәйсез рәвештә, ай саен 4 000 сумнан 6000 сумга кадәр акча түләнәчәк. Әгәр алар дәресләргә баралар икән, әлеге 2-3 көн өчен өстәмә хезмәт хакы да компенсацияләнә. Кайбер һөнәрләрдә бу сумма 10 мең сумга кадәр җитәргә мөмкин», – дип билгеләп үтте ул.
Офицерларга, хәрби званиесенә һәм вазыйфасына карап, 8-10 мең сум өстәмә хезмәт хакы компенсацияләнә. Елга бер тапкыр 25 көнгә кадәр хәрби җыеннар планлаштырыла. 
«Болар барысы да ерак чит илләрдә түгел, ә безнең Казан хәрби башлыклар әзерләүче югары училищесы базасында узачак. Бу, асылда, хәрби хезмәт вакытында алган хәрби-учет белгечлегеңне ныгыту», - дип аңлатты Рәшит Ильясов.
Кандидатларга куела торган төп таләпләр:
- 18-57 яшь;
- хезмәт үтүгә сәламәтлек ягыннан чикләүләр булмау;
- Россия Федерациясе гражданлыгы.
Резервта тору турында контракт элек хәрби хезмәт үткән һәм хәрби исеме булган Россия Федерациясе гражданы белән төзелергә мөмкин:
- солдат, сержант, прапорщик - 40 яшькә кадәр;
- кече лейтенант, лейтенант, өлкән лейтенант, капитан, капитан-лейтенант - 47 яшькә кадәр;
- майордан подполковникка кадәр - 52 яшь;
- полковник (1 ранг капитаны) – 57 яшькә кадәр.
Резервчы булу өчен яшәү урыны буенча хәрби комиссариатка мөрәҗәгать итәргә һәм мобилизация резервына туплану буенча контракт төзү турында гариза бирергә һәм түбәндәге документларны тапшырырга кирәк:
1. 9х12 см зурлыгындагы анфас фотография
2. Автобиография ике нөсхәдә
3. Анкета
4. Белем турында документлар күчермәләре
5. Хезмәт кенәгәсенең күчермәсе (булган очракта)
6. Соңгы эш урыннан характеристика (уку, хезмәт урыннарыннан)
7. Йорт кенәгәсеннән өземтә (булган очракта)
8. Туу турында таныклык күчермәсе
9. Хәрби билет күчермәсе
10. Паспорт күчермәсе
11. Никах һәм бала туу турында таныклык күчермәләре (булган очракта).  

http://nabchelny.ru/