Чаллыда кайбер йортларга кайнар су бирелде

Яр Чаллы җылылык челтәрләре предприятиесе җылылык челтәрләрен сынау максатыннан опрессовкалау үткәрде. Нәтиҗәдә зыян килгән 18 урын ачыкланды. Аның 8е магистраль һәм 10сы кварталлар эчендәге челтәрләрдә булган. Энергетиклар аның дүртесен төзекләндергәннәр инде, калганнарында эшләр дәвам итә. Опрессовкалау тулысынча тәмамланган районнардагы йортларга кайнар су бирелгән. 

Исегезгә төшерәбез, җылылык энергетиклары барлыгы 729 погон км торбаның ныклыгын тикшерәләр.