“КАМАЗ” мобилизацияләнгәннәр өчен тернәкләндерү программасы булдырды

Мобилизация кысаларында махсус хәрби операциягә чакырылган хезмәткәрләр өчен «КАМАЗ» ГАҖдә тернәкләндерү программасы булдырылды. Аны автогигантның санаторий-профилакториендә тормышка ашырачаклар. 

– Предприятие хезмәткәрләре броньгә ия булса да, 200ләп ир-егетебез махсус хәрби операциягә китте. Аларны барлык-кирәк яраклар белән тәэмин иттек. Гаиләләренә финанс ярдәм күрсәтүне дә компания үз өстенә алды. Егетләребезгә кайткач физик яктан да, рухи яктан да тернәкләндерү кирәк булырга мөмкин. Мин бу мәсьәләне бик мөһим дип саныйм. Аны бөтен ил күләмендә хәл итәргә кирәк, – диде  «КАМАЗ»ның генераль директоры Сергей Когогин chelny-biz.ru сайтына.