Узган ел Чаллының «Җәмигъ» мәчете төзелешенә 55,8 миллион акча җыелган. Иң зур хәйриячеләр «Хаят Кимья» һәм «Кастамону» өстенлекле социаль-икътисади үсеш территориясе (ТОСЭР) резидентлары булган.
Алар икесе дә 7,5 миллион сум акча биргән. «Сетевая компания» акционерлар җәмгыятенеке 5 миллион 155 мең сум. Минтимер Шәймиевнең «Яңарыш» фонды 5 миллион сум белән ярдәм иткән.
Мәчетнең дүрт манарасы була: ике кечкенә манара арткы фасад ягыннан, ике биеге флигельләрнең ян-ягында. Ике озын манараның биеклеге 76 метр. Чагыштыру өчен: «Кол Шәриф» мәчетенең манаралары 58 метр биеклектә.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев