Мобилизацияләнгән эшчеләргә КАМАЗ 50шәр мең сум өстәп түләячәк

”Хөкүмәт түләүләреннән һәм ташламаларыннан тыш, махсус хәрби операцияләрдә катнашучыларга ай саен 50шәр мең сум түләп барыла. Аларның эш урыннары да сакланачак”, - диелә предприятиенең мәгълүмат үзәге биргән хәбәрдә.  
Моннан тыш,  Президентның “РФда өлешчә мобилизация игълан итү  турындагы” Указы кысаларында да хәрби хезмәткә чакырылучы хезмәткәрләр өчен өстәмә түләүләр каралган. Бу документка 2022 елның 21 сентябрендә кул куелды.