Рөстәм Миңнеханов Чаллы предприятиеләре продукциясен бәяләде

Катнашучыларның күбесе импорт процессларын тормышка ашыра. Алар арасында төрле резин катламнар, сэндвич-панельләр өчен клейлар, тау чыгару сәнәгате өчен кулланыла торган полиуретан сумалалар, җылылык изоляцияләү өчен, шул исәптән суыткычлар өчен дә, төрле пеналар җитештерүче «Полихим Системс» компаниясе.
«Бездә карарлар, эшләнмәләр бар, үзебезнең R&D бар, без монда биш меңнән артык рецептура һәм 40 төр продуктлар җитештерәбез. Без көн саен, сәгать саен, минут саен үсәбез», – дип сөйләде «Полихим Системс» ҖЧҖ генераль директоры Илдар Фәйзрахманов.
Клейны көнгә уртача 5 тоннага кадәр җитештерәләр. «Полихим Системс» предприятиесе «Яр Чаллы» алгарышлы социаль-икътисадый үсеш территориясенең беренче резидентларыннан санала. Әлеге статусны алар 2016 елның декабрендә үк алдылар.
Текстиль продукциясен балалар киемен тегү фабрикасы тәкъдим итте. Продукция «Лимпопо» бренды астында җитештерелә. Компания Россиядә һәм якын чит илләрдә балалар товарлары базарында алдынгы урында тора. Фабрикада 50гә якын хезмәткәр эшли.
«Дизайн белән мин үзем шөгыльләнәм. Безнең технологлар, конструкторлар, өч кибетебез бар», - дип аңлатты фабрика җитәкчесе Гөлнара Җиһаншина.
Хәтта милли колоритлы яңа туган балалар өчен комплектлар да бар.
Printshop оешмасы шәһәр һәм "КАМАЗ-мастер" командасы символикасы төшерелгән брендланган костюмнарның күргәзмә үрнәкләрен күрсәтте.  
Күргәзмәдә кардан валлар җитештерүче Tirsan Kardan Төркия компаниясенең Россия вәкиллеге павильоны да урнашкан. Хәзерге вакытта Яр Чаллыда компания МАЗ, НЕФАЗ, VOLVO, УРАЛ, MERCEDES, FORD, IVECO, KAMAZ, GAZ һ.б. җитештерүчеләр өчен продукция җитештерә.
«Без агымдагы этапта 6,5 меңгә кадәр кардан вал җитештерәбез. Хәзер җитештерүне потенциаль күләме елына 120 мең кардан валга кадәр арттырырга планлаштырабыз. Безнең продукция «КАМАЗ-мастер» автомобильләрендә кулланыла һәм ул иң кырыс шартларда, Дакар вакытында сынаулар уза», – дип хәбәр итте «ТИРСАН» предприятиесе генераль директоры Илшат Сәйфетдинов.
Җылылык генераторлары һәм казаннар җитештерүче «Луч» компаниясе үз продукциясен тәкъдим итте. 1000 кВт егәрлекле контейнер җылылык генераторлары түбән температура шартларында эшләү өчен билгеләнгән. Чаллы компаниясенең кулланучылары - «Лукойл», «Татнефть», «Уралмаш» кебек компанияләр.
Экспозициядә гипсокартон җитештерүдә, бораулау эретмәләрендә һәм башка максатларда кулланыла торган техник крахмал җитештерү буенча  «Техностройинжиринг» предприятиесе стенды тәкъдим ителде.
Моннан тыш, Рөстәм Миңнеханов «Пенопласт НЧ», «Хортум», «Элмата», «Пегас Тюнинг», «Камафлекс», «ЗМ ПОВОЛЖЬЕ» кебек предприятиеләр продукциясен карады.

http://nabchelny.ru/