Татарстанда аномаль корылык сәбәпле гадәттән тыш хәл режимы кертелде

 Республика Рәисе Рөстәм Миңнеханов имзалаган әлеге карарның максаты - азык-төлек иминлегенә куркыныч янавын булдырмау. Белгечләр әйтүенчә, республикада июнь аенда нормадагы 60 мм явым-төшем урынына 15 миллиметр булган. 

“Авыл хуҗалыгы һәм азык-төлек министры 5 көн эчендә гадәттән тыш хәл нәтиҗәсендә килеп чыккан кыенлыкларны хәл итү өчен чаралар күрергә тиеш. Муниципаль районнарда да моның өчен махсус комиссияләр булдырылачак” диелә боерыкта.