Тукай районына беспилотник төште

БПЛА һөҗүме нәтиҗәсендә Тукай районында төзелә торган склад бинасы зыян күрде. Бу хакта район башкарма комитеты җитәкчесе Камил Нәҗмиев хәбәр итте.

"Барлык хезмәтләр дә оператив эшләде. Корбаннар һәм зыян күрүчеләр юк. Халыкка куркыныч янамый", - дип белдерде ул үзенең телеграм-каналында.

Әлмәт, Түбән Кама, Алабуга шәһәрләренә беспилотниклар һөҗүме турында сәгать 10:06да хәбәр ителде. Аэропортлардан самолётлар очуы туктатылды. Йортта яшәүчеләргә подвалларга качарга киңәш ителде.