Төзелеш министрлыгы Татарстанда һәм бөтен Россия буенча торакның кыйммәтләнүе турында кисәтте

Татарстанда һәм, гомумән алганда, 2021 елда торак кыйммәтләнәчәк. Бу РФ Төзелеш министрлыгы боерыгы проектыннан күренгәнчә, дип яза «Известия»газетасы.

Ведомство 2021 елның беренче ярты еллыгына бер квадрат метр торакның уртача базар бәясен 49 мең 173 сум күләмендә билгеләде, бу агымдагы ярты еллыгына караганда 539 сумга яки 1,1% ка артыграк. Торак күчемсез милек Мәскәүдә, шулай ук Ерак Көнчыгыш федераль округының кайбер төбәкләрендә – 8-9,5 мең сумга кыйммәтләнәчәк.

Якутиядә һәм Ленинград өлкәсендә бәяләр бер квадрат метр өчен 4 мең сумга, ә Санкт-Петербургта, Удмуртиядә, Чуашстанда һәм башка төбәкләрдә 2-3 мең сумга артачак.

Татарстанда, Марий Элда һәм федерациянең тагын 25 субъектында квадрат метр бәясе 2 мең сумга яки бер квадрат метрдан бераз кимрәк булачак.

34 төбәктә, Башкортстанны да кертеп, күчемсез милек бәяләре хәзерге дәрәҗәдә калачак. Алар Бурятиядә генә кимиячәк – бер квадрат метр өчен 78,18 тән 61,26 мең сумга кадәр, дип саныйлар министрлыкта.