Яңа ел алдыннан чыршылар сату башланды

Быел чыршы базарлары Чулман проспекты ягыннан «Алан» базары каршында – ике нокта; Мәскәү проспектындагы 53/21а йорты янында; Вахитов проспектындагы 30/05а йорты янында; Пушкин тукталышы артында (Сөембикә проспекты һәм «На Пушкинской» сәүдә үзәге арасында 45/01 йорты ягыннан); «Муравейник» сәүдә үзәге янында (Тынычлык пр., 65); «Фонтан» сәүдә үзәге янында (41/16 йорты ягыннан) оештырылачак.
Моннан тыш, Яңа елның төп символын сәүдә үзәкләре милкендә булган территорияләрдә  сатып алып булачак.
Чыршыларның уртача бәясе 300 сумнан 2000 сумга кадәр: 1,5 метрга кадәр – 300 сум; 1,5 метрдан 2 метрга кадәр – 500 сум; 2 метрдан 2,5 метрга кадәр – 800 сум; 2,5 метрдан 3 метрга кадәр – 2000 сум.