Яшьләр сәясәте өлкәсе хезмәткәрләре арасында һөнәри осталык конкурсында чаллылылар җиңү яуладылар

Бүләкләрне Татарстан Республикасы Яшьләр эшләре министры урынбасары Алла Кондратьева тапшырды.
2021 елда конкурста катнашу өчен Татарстан Республикасының 28 муниципаль берәмлегеннән 132 гариза бирелгән. Финалга республиканың 16 муниципаль берәмлегеннән 35 катнашучы үткән, аларның бишесе Чаллы шәһәреннән.
Шулай итеп, «Дәүләт яшьләр сәясәтен гамәлгә ашыручы Татарстан Республикасы яки муниципаль берәмлеге башкарма хакимияте органы карамагындагы учреждение җитәкчесе» номинациясендә «Нур» яшьләр үзәге директоры Полина Трянина җиңүче булды, икенче урынны яшәү урыны буенча «Яшүсмер» яшьләр (яшүсмерләр) клублары үзәге директоры урынбасары Алия Бикмөхәммәтова яулады.  
«Дәүләт яшьләр сәясәтен гамәлгә ашыручы Татарстан Республикасы яки муниципаль берәмлеге башкарма хакимияте органы карамагындагы учреждение белгече» номинациясендә «Нур» яшьләр үзәгенең структур бүлекчәсе мөдире Алексей Володин җиңүче булды, икенче урынны «Диалог» балаларга һәм яшьләргә психологик-педагогик ярдәм үзәге педагог-психологы Регина Авлиекулова, өченче урынны «Шатлык» яшьләр үзәгенең яшьләр белән эшләү белгече Руслан Матурин яуладылар.
Шуны да билгеләп үтәргә кирәк, быел республика һөнәри осталык конкурсы 15 нче тапкыр узды. Бу вакыт эчендә 700дән артык белгеч конкурс сынауларын үтте.

http://nabchelny.ru/