Бакча җиләгеннән — “Пятиминутка”

Бакча җиләге (виктория) пешә башлады. Моны истә тотып, гади генә кайнатма ясау рецепты тәкъдим итәбез. Ул тиз әзерләнә һәм озак саклана.
Бу кайнатма өчен әзерләп куелган җиләкләр өстенә сироп коябыз (сироп 1 литр суга 500 грамм шикәр исәбеннән ясала) һәм 3-5 минут кайнатабыз. Алдан чиста итеп юып, стерильләштерелгән банкаларга тутырабыз. Аннары банкаларны кайнап торган суга утыртып (кәстрүл төбенә чүпрәк куярга онытмагыз), өсләре ачык килеш 85-90 градус температурада 10 минут стерильләштергәч, капкачын тыгызлап ябып куябыз.
Шулай консервланган кайнатма озак саклана. Тик банканы ачкач, аны 5-7 көн эчендә ашап бетерергә кирәк.
Фото: ягоды