Ютәлдән – кәбестә яфрагы

"Шактый озак ютәлләп интектем. Нәрсә генә эчеп, кулланып карасам да, ахыргача дәвалап бетереп булмады. Ютәлдән гап-гади кәбестә яфрагы ярдәм итте бит! Шаккаттым, – диде шәһәрдәшебез Гүзәл Фатыйхова. – Кәбестә яфрагын кайнар суга салып, 1-2 минут тоттым да, өстенә бал ягып, күкрәк өстенә куеп йокларга яттым. Кысып торган футболка кисәң, төн буе урыныннан күчми ул. Дүрт көндә файдасын күрдем шуның. Ләкин исегездән чыгармагыз, тискәре йогынтысы булырга мөмкин. Кулланыр алдыннан табиб белән киңәшләшегез".