Киңәш-табыш
Куллар игътибар таләп итә
Кышын дымга кытлык кичергән куллар яз көне аеруча игътибар таләп итә. Аларны җылымса суда юарга киңәш ителә.
Дымландыргыч крем сөртү бик яхшы. Аны көнгә өч-дүрт мәртәбә, бигрәк тә төнгә каршы сөртү хәерле. Кулларга атнага бер-ике тапкыр маска да ясарга кирәк. Моның өчен бер чәй кашыгы теләсә нинди үлән төнәтмәсенә бер чәй кашыгы бал кушып, өч аш кашыгы атланмай өстәгез. Башта кулларны җылымса үлән төнәтмәсендә 10-15 минут тотып, соңрак аларга алда телгә алынган масканы сөртергә кирәк. Кулларга полиэтилен пакет киеп, 20-30 минут чамасы тотканнан соң, су белән чайкап, майлы крем сөртеп куегыз.
Следите за самым важным и интересным в Telegram-каналеТатмедиа
Нет комментариев