Дәниф Шәрәфетдинов: «Көн саен 6 чакрым йөрим»

Моңлы җырчыбыз Дәниф Шәрәфетдинов соңгы елларда сәламәтлеге какшау сәбәпле, сәхнәләргә чыга алмый башлады. Аңа 2005 елда «Бехтерев авыруы» диагнозы куелды. Хәзер күзләре дә бик начар күрә. Шуңа да карамастан җырчы тормыштан зарланмый, балаларының уңышларына сөенеп яши. 

Аллаһка шөкер, Динар әтисе юлыннан китте. Ул профессиональ җырчы. Бик игелекле бала. «Минем иң зур теләгем – әтиемне терелтү», – ди ул.

Дәниф Шәрәфетдиновның хәлләрен белештек.

– Концертлар сагындыра инде, төшләргә керә. Әмма мин хәзер күбрәк өйдә. Көн саен тренажерда 6 чакрым йөрим. Тормышымнан зарланмыйм. Аллаһы Тәгаләдән сабырлык, гаиләмә, балаларыма, якыннарыма сәламәтлек сорыйм, – диде ул.