Чаллы Яңа елга әзерләнә

"Азатлык" мәйданында төп чыршы каркасын җыялар. Аны коруга 2 ноябрьдә үк керешкәннәр иде. Шәһәрне бизәү белән "Автомобиль юллары предприятиесе" шөгыльләнә.

Исегезгә төшерәбез, проспектларга Яңа ел бизәкләрен октябрь уртасында ук урнаштыра башладылар. Мисал өчен, Тынычлык проспектында Чаллы гербы белән бизәкләр, Халыклар Дуслыгы проспекты боҗрасында матур диадема урын алды.