Энгель Фәттаховның сәламәтлеге какшаган

Чаллы судында янә ТР экс-министры, Актанышның элекке башлыгы Энгель Фәттаховка чик кую чарасы каралды. Ул сигезенче ай СИЗОда утыра. Сәламәтлеге какшау сәбәпле, ирек чикләү төрен өй арестына алыштыруны сорый. 

«Сак астына алуны йомшаграк чик кую чарасына, өй арестына алыштыруыгызны сорыйм. СИЗОда 8 айдан артык утырам. Андагы шартлар сәламәтлегемне какшата. Миңа инде 63 яшь», – ди Энгель Фәттахов.

Суд моңа кадәр билгеләнгән арестны 21 мартка кадәр озынайтты. Судта Энгель Фәттаховның тормыш иптәше дә бар иде. 

Исегезгә төшерәбез, Тикшерү комитеты аны ришвәт алуда шикле дип тапты. 6 эпизод буенча гаепләнә. Моннан укы.