Финанс министрлыгы ОСАГО канунына, машина йөртүчеләр мәнфәгатен яклап, төзәтмәләр керткән

Россия Финанс министрлыгы, 2 миллион сумга кадәр иминият полислары түләү мөмкинлеге буенча өч вариант тәкъдим итеп, ОСАГО турындагы канунга төзәтмәләр эшләгән. Килешүләрне бер елдан артык вакытка төзеп булачак, дип яза "Коммерсант". Идарә тармагы күрсәтмәләре нигезендә, иминиятчеләр үзләре ирекле тарифларга күчеш чорында полис бәясе коэффициентын төшереп кенә билгели ала. Иминият компаниясе автомобильгә характеристиканы һәм аның максатын истәпкә алып, бәясен билгеләүдә гомуми тариф базасы чикләрен Үзәк Банк ачыклый. Иминиятчеләрнең машина йөртүченең йөрү стилен исәпкә алып, түбәнәйтелгән коэффициентлар кертү хокукы барлыкка килә. Бу максаттан автомобильгә тизлекне, светофорның кызыл уты янганда хәрәкәт итү һәм кагыйдәләрне бозуның башка очракларын билгеләүче махсус җайланма урнаштырырга кирәк булачак.