Уртача хезмәт хакы турында

Татарстанстат Татарстанда уртача хезмәт хакы дәрәҗәсен тикшерүгә нәтиҗә ясады.

Шулай итеп, предприятие һәм оешмалар, кече эшмәкәрлек һәм иҗтимагый оешмалар хезмәткәрләренең 2014 елның беренче яртысында уртача хезмәт хакы 27 мең 214 сум тәшкил иткән. Узган елның шул чоры белән чагыштырганда, үсеш 11,4 процентка тәңгәл. Шул ук вакытта кече эшмәкәрлек субъектларын да кертеп, предприятие һәм оешма хезмәткәрләренең 2014 елның гыйнвар-июнендә реаль хезмәт хакы үсеше (товар һәм хезмәтләргә кулланучылар бәяләре индексын исәпкә алып исәпләнгән) 104,3 процент тәшкил иткән.