Яңа елга чыршы сатып алдыгызмы әле?

Татарстанда Яңа елга 10 меңгә якын чыршы үстерелгән һәм 30 тоннадан артык ылыслы агач ботагы әзерләнгән. Бер ел элек бәйрәмгә 2 меңгә күбрәк агач утыртканнар иде. Бу хакта «Татар-информ» мәгълүмат агентлыгы корреспондентына ТР Урман хуҗалыгы министрының беренче урынбасары Илгизәр Зарипов сөйләде.

"Шуны да билгеләп үтәргә кирәк, узган еллар белән чагыштырганда, яңа ел бәйрәмнәре өчен чыршы һәм башка ылыслы агач  ботаклары сатылган: 2019 ел белән чагыштырганда 21% ка кимрәк һәм 2018 ел белән чагыштырганда — куелган күләмнең 33% ка", — дип билгеләп үтте әңгәмәдәш.

Ихтыяҗның кимүе кешеләрнең ясалма чыршыларга күчүенә бәйле, дип фаразлаганнар ТР Урман хуҗалыгы министрлыгында.

Узган ел бәйрәмгә 11 меңнән артык агач үстерелгән һәм 35 тоннадан артык ылыслы агач ботагы әзерләнгән.

Чыршы сатып алу өчен урманчылыкка мөрәҗәгать итәргә кирәк. Агачны кисеп заказчыга тапшырачаклар.

Чыршы сатканда хосусый сатучының гамәлдәге законнар нигезендә төзелгән сату-алу килешүе күчермәсе һәм товар документы булырга тиеш. Әгәр товар Россия Федерациясенең башка төбәкләреннән кайтарылган булса — карантин сертификаты.