Лилия Хәйруллина: «Төрмәгә утыртабыз дип яныйлар!»

Татар эстрадасы артисты Лилия Хәйруллинаны куркытканнар. Бу хакта ул социаль челтәрләрдә сөйләде. Аңа полициядән дип, мошенниклар шалтыраткан. 

– Мәскәүнең Эчке эшләр бүлегеннән шалтыраттылар. Мине ниндидер җинаять кылуда гаепләделәр. Хәтта төрмәгә утыртып куябыз дип тә янадылар. Башта бик курыктым, әлбәттә. Полиция диләр бит. Барысын да аңлагач, кызык булып китте. Теләсә-нәрсә сөйлиләр. Имеш, банк карталарыма, счётларыма куркыныч яный. Синең урының төрмәдә диләр, - дигән Лилия Хәйруллина.

Фото җырчының ВК битеннән.