Җиләкне дөрес итеп туңдырабыз
Җәйнең иң тәмле чорына кердек, ул үзенең беренче нигъмәтләре белән сөендерә башлады. Җәйге муллыкны кышка бернинди югалтуларсыз саклыйсы килә. Моның иң дөрес юлы – аларны туңдыру.
Җиләкләрнең барысы да туңдыру өчен яраклы. Иң мөһиме, алар чиста, коры һәм каты булырга тиеш. Туңдыру өчен артык нык пешкән җиләкне алмыйлар.
Төп таләп: җиләк коры булырга тиеш. Югыйсә ул бозланып ката, ә эреткәндә тәмен һәм файдалы матдәләрен югалта. Җиләкләрне юып, таратып киптерергә кирәк. Аннан җиләк өстенә шикәр комы сибәргә мөмкин. Ул артык дымны үзенә сеңдерәчәк.
Җиләкләрне зур булмаган порцияләр белән туңдырыгыз. Бер эретелгән җиләкне кире туңдыргычка куярга ярамый. Җиләкне пакетта түгел, ә пластик контейнерларда туңдыру уңайлы. Анда җиләкләр яхшырак саклана. Аеруча бакча җиләген, кура җиләген контейнерга салырга тырышыгыз. Чия, крыжовник, карлыган полиэтилен пакетта да яхшы тора.
Следите за самым важным и интересным в Telegram-каналеТатмедиа
Нет комментариев