5 ел эчендә янгын кисүтә приборлары ярдәмендә 103 кеше коткарылган

Биш ел эчендә янгын чыккан очракта кисәтү приборлары ярдәмендә Татарстанның 103 кешесе уттан коткарылды. Бу хакта «Татар-информ» мәгълүмат агентлыгында узган матбугат конференциясендә ТР Янгын күзәтчелеге буенча баш дәүләт инспекторы урынбасары Максим Трущин хәбәр итте.

«Тулаем алганда, 2016 елдан бирле республикада 49 янгын кисәтү приборлары 103 кешене "коткарган". Алар арасында 43 бала булган», — дип сөйләде Трущин.

Спикер искәртеп узганча, мондый янгынчыкканда хәбәр итүче приборлары Алексеевск районында яшәүчеләр фаҗигадән котылып кала алган. Сигнализация тавышын ишетеп, 14 яшьлек яшүсмер уттан өч энесен коткарган.