Алинә Заһитова закон бозган

Фигуралы шуу буенча дөнья чемпионына «права»сыз машина белән идарә иткән һәм хәвефсезлек каешын эләктермәгән өчен җавап бирергә туры киләчәк.
Вакыйга Алинә Ижауга килгәч була: ул машинада «права»сыз йөри һәм видеоны Интернетка урнаштыра. Шуннан эләктереп алалар да инде. Хокук бозу турындагы материалларны штраф билгеләү өчен Ижау шәһәренең Ленин районына җибәргәннәр, дип яза "Татар тудей".
- Дәүләт автоинспекциясе хезмәткәрләре әлеге факт буенча 12.7 мәддәсе кысаларында тикшерү үткәрә. Аның нәтиҗәләре буенча гамәлдәге закон кысаларында карар кабул ителәчәк, — дип хәбәр итә Удмуртия буенча Эчке эшләр министрлыгы матбугат хезмәте.

https://kiziltan.rbsmi.ru/articles/zhizn/alin-za-itova-zakon-bozgan/