Билбаулы көрәш буенча Чаллы командасы – чемпион (ФОТОЛАР)
8-10 март көннәрендә Казанда билбаулы көрәш буенча 2006-2007, 2008-2009, 2010-2011 елгы яшүсмерләр арасында Россия беренчелеге үтте.
Чаллы командасы бик уңышлы чыгыш ясады, шәхси беренчелектә дә җиңүчеләр шактый булды, дип хәбәр итә татарча көрәш федерациясенең башкарма директоры Рамил Хисмәтуллин.
Беренче урынны Артур Халиков (90 кг авырлыкта), Максим Әминников (80 кг авырлыкта), Камариддин Сәидганиев (80 кг), Салават Дәүләтбаев (65 кг), Эрик Эшкобилов (55 кг), Нурсәит Харисов (40 кг), Артур Лукьянов (55 кг) яуладылар. Икенче урынга Эмиль Фәсәхетдинов (70 кг) лаек булды. Өченче урында исә Азамат Хәйруллин (70 кг) калды. Бишенчедә Чаллы командасы исеменнән көрәшүче – Айназ Сәлахов (45 кг).
Следите за самым важным и интересным в Telegram-каналеТатмедиа
Нет комментариев