Чаллы спорт идарәсен Сабантуй батыры җитәкләячәк

Чаллының физкультура һәм спорт идарәсен 38 яшьлек Ренат Әхмәтшин җитәкләячәк. Чаллы мэры Наил Мәһдиев аның белән эшлекле дүшәмбе киңәшмәсендә таныштырды.

Ренат Әхмәтшин спорт өлкәсендә «кайнаган» кеше. Күп еллар ул «Витязь» спорт мәктәбендә көрәш белән шөгыльләнгән. РФ һәм халыкара класслы спорт мастеры, Чаллы Сабантуйларында 2 тапкыр Абсолют батыр булып калган спортчы. Соңгы елларда "Виктория" спорт мәктәбен җитәкләде.

Ренат Әхмәтшин РФ Президенты, ТР Рәисе һәм Чаллы мэры Рәхмәт хатлары белән бүләкләнгән.